■專欄作家高慧然居然咁假都信，遭網民恥笑。 網上截圖有人或許認為，假page（專頁）明顯惡搞，不會有人誤信，但事實證明，即使「跟得好貼」的專欄作家，亦都有可能中招。經常評論社會時事的《蘋果日報》專欄作家高慧然，日前就撰文引述「Unofficial：林鄭月娥 Carrie Lam競選專頁」（下稱「Unofficial」）的內容，稱他們是「林鄭的粉絲」，又說該專頁是「林鄭的競選專頁」，並入晒林鄭數，加入播謠行列謂︰「要瞭（了）解林鄭是甚（什）麼人，不妨先看看圍繞在她身邊的人是甚（什）麼質素。」結果，其驚人引用和結論遭該專頁恥笑︰「高慧然，多謝你既（嘅）支持！我成日諗，其實我cosplay（角色扮演）得咁假，會唔會仲有人智障到真係信？原來真係有。哈哈哈！」
高慧然誤信 網民諷智障
高慧然日前在《蘋果日報》撰文，評論林鄭月娥早前說搬家未買廁紙的言論，內容提到另一參選人、退休法官胡國興的抽水言論，續寫到︰「胡官post一出，林鄭的競選專頁馬上有回應，質問胡官：『用毛巾抹屎？咁抹完條毛巾仲要定唔要？定係照用嚟洗面？嘩？你有冇得再惡心啲？』粗鄙程度令人咋舌。要瞭（了）解林鄭是甚（什）麼人，不妨先看看圍繞在她身邊的人是甚（什）麼質素。」
咁你都信仲寫埋喺篇文度，網民當然盡情恥笑。facebook（fb）專頁「得罪講句」昨日貼出高慧然的文章，並以紅框框出她引用「Unofficial」的內容，再加多一腳謂︰「『林鄭的競選專頁』。得罪講句，估唔到個page假成咁都有人當真，智障真係冇藥醫。」網民「Guile Lsk」留言道︰「唔怪得香港咁多騙案......咁都信......」
「Henrique Sou」則認為高慧然不是「真心膠」就是有心播謠，「一係佢以為大家都真係信，一係佢自己真係信。」
有網民走到「Unofficial」的fb留言。「Hero Matsuzaka」就說︰「吓！呢度唔係真林鄭選舉page咩！我係為撐林鄭而add你地（哋）架（㗎）喎！」「Unofficial」則回覆謂︰「Sorry其實我係真既（嘅），段文唔係我打應該比（畀）人hack（入侵帳號）左（咗）。」一眾網民繼續真真假假，誤導他人。 ■記者 甘瑜