■陳山聰與傅嘉莉(右)及莊思敏(左)在劇中分別有親熱床戲。香港文匯報訊（記者 梁靜儀）無綫賀歲劇《乘勝狙擊》昨日於將軍澳舉行「人人大贏家」活動，出席演員有陳展鵬、陳山聰、莊思敏、傅嘉莉、單立文（豹哥）、徐榮、趙希洛及監製葉鎮輝等，眾人分組玩遊戲，其中山聰更贏得足金金雞一隻，展鵬更私人「醒」他利是。
昨日展鵬攜同愛犬包包到場，戴上紅呔的包包在台上走來走去，面對閃光燈更毫不怯場，十分可愛，豹哥見到也忍不住跟包包咀嘴，活動結束前展鵬更抱着包包走到台下跟粉絲拜年及逗利是。展鵬受訪時笑指包包接近7歲，是男仔，更識得唱歌。說罷展鵬即場唱出賀年歌《財神到》， 包包聽到即吠了幾句作回應。展鵬說：「我冇特別訓練包包唱歌，天性識，有時我喺房自彈自唱，聽到客廳有怪聲，原來係包包喺度唱歌。之前阿媽帶佢去剪毛時，咁啱聽到我同定欣唱嘅歌，佢就有反應。」問到緋聞女友胡定欣可有見過包包？展鵬指定欣及陳山聰等很多同事都有見過。他又自爆包包可能明年結婚，問到他是否榮升做老爺？展鵬即笑說：「我係佢『阿哥』啫！（可介意畀『細佬』爬頭？）唔介意，不過收少咗利是， 因為啲朋友都會封利是畀佢。」
陳山聰拜年見家長
傅嘉莉昨日穿上螢光綠露臍裝出席活動，與劇中情敵莊思敏，一紅一綠十分搶鏡。談到劇中她與陳山聰的床上戲日前已經播出，她指該場戲播出時正值她與家人邊食開年飯邊收睇，爸爸很冷靜沒出聲，但媽媽就好緊張不停追問她否真錫及有否被山聰掂到敏感部位，她說：「我同媽咪講敏感部位冇掂到，場戲最辛苦係山聰，媽咪都有問我山聰有冇咬到我，其實係冇咬到。」她又透露之後會有怒摑山聰的戲份 ，初時她原本想就位拍，但山聰就叫她真打，結果打了4、5吓，塊臉都紅了兼有掌印。
陳山聰與傅嘉莉及莊思敏在劇中分別有親熱床戲，他指拍床戲的背後其實好辛酸：「我個身濕晒， 大家睇得好激烈，其實係蜻蜓點水，因避免掂到對手的敏感部位，隻手長期hold住，好似拍動作片。」當於被網民封為「賤男」？山聰笑言如果觀眾鍾意睇都不介意。
今個農曆新年，山聰偕同女友Apple及家人一齊去泰國旅行。與女友感情穩定的山聰，透露日前去了女友家中拜年見家長，問到是否好事近？他說：「 努力工作先，我都想，想儲吓多啲錢，啲朋友話我唔使儲，但我真係要。（今年內結？）未知，有計劃嘅，但未知係幾時。」