第六場「紅旗星將」周歲由蘇利雲在澳洲買入再轉往新西蘭基本訓練才運港，熱身後上次千二米跑第三，均速型加程跑千四針對性能，潘頓再騎已屆出頭時。「金武士」自購馬今季明顯反彈，於田草千四及谷草千二米交出頭馬，近兩場跑一哩都見後上輸近，今次重返千四肯定更啱發揮。
第七場「旌暉」季內四戰全部入Q勢如破竹，本身與史卓豐亦夠合拍，憑當起勢頭初跑一班賽亦無所畏懼。「無敵飛龍」上周負頂磅加程跑一哩都追入第二，今次縮程返季內兩勝未逢敵手之千四米乃港澳盃黑馬分子之一。
第八場「馬克羅斯」屬前女皇盃盟主「雕塑家」子嗣，來港經兩場熱身後上次突如其來跑第三，此駒已報跑打吡要為爭取入場券努力，重返田草更利發揮可以秤先。「爭分奪秒」季內六戰千四米全跑入三甲，今次刻意縮程料有利貫注，排外檔起步早已習慣難以輕視。
第九場「翔惑」近四戰千四米取得三冠一季，上次小休復出照贏如儀，現居三班仍處虛分期，雷神再騎人強馬壯再捷可期。「美麗皇者」上次千二米路程嫌短都跑得接近，重返食胡路程續由潘頓執韁料可介入戰團。
第十場「至尊無上」上仗千四米後上如飛得第三，四歲馬近期連番試準追勁，梁家俊再騎可說駕輕就熟，估計出頭此其時矣。「神威敖翔」目前評分經已重返上季贏馬水平，今次起用莫雷拉加強配搭擺明車馬，本身排二檔而主要對手排外檔，直路提早發力就可先發制人。
第十一場「赤兔寶駒」上年英國大不列顛錦標盟主身價肯定不菲，熱身後上次終於顯露實力在千四米開齋，查外地三歲時已贏一哩，今次由郭能接手加程千八米難以睇少。「太陽喜喜」近仗千四及千六米後上不及，今次加程千八米有利追趕，用黃皓楠減七磅除笨有精提防一網打盡。