【資料速遞】紅旗星將輪到擔正

2017-03-03

蘇保羅馬房的「紅旗星將」，周歲時已由蘇保羅家族在澳洲以九萬澳元買入，其後運往新西蘭由蘇利雲及史葛訓練，當地試大閘兩次得一冠一殿成績。在港開操以來進度亦佳，血統上與「醒蹄飛」及「帝豪寶寶」同父，出自早熟種「登名門」，本身亦是「點解」的同母弟弟，後駒當年在蘇保羅訓練下一出即勝一千米，及後再於千二米增添多三場頭馬，估計「紅旗星將」日後都會係匹多捷良駒，現居四班競爭力十足，本身型靚且大步，來港兩戰俱屬千二米，熱身後剛戰僅不敵「笑春風」及「飛躍成功」跑得第三名，三歲馬進步一日千里，今次加程跑千四米更合性能，料係時候擔正。