■曾志偉大讚余文樂演出自然。香港文匯報訊（記者 植毅儀）余文樂及曾志偉日前接受訪問大談拍攝新片《一念無明》及獲金像獎8項大獎提名感受。電影講述家庭關係，志偉演余文樂爸爸，原來今次是志偉親自打電話叫樂仔演出，而2人更為了支持新晉導演黃進，更是零片酬接拍。
余文樂首獲金像獎男主角提名，他說：「我真係好開心得到提名，當時志偉是第一時間打電話通知我。今次有提名覺得好合時，如果五年前接到呢部戲，我都未必演得好。」
而曾志偉直言曾有一刻想不接拍，他說：「我唔想拍這些咁沉重的戲，自己拍戲想開開心心，所以成日拍喜劇，自己又可以笑一餐。我都為樂仔而辛苦，去到片場佢嬲爆爆咁，為了入戲匿埋房中，講嘢都未大聲過。」樂仔說：「拍戲時我好少同志偉傾偈，因為一同佢傾偈又開心返晒。片場志偉幾乎日日都打邊爐，佢就好似探監咁，淥好食物拎入房俾我。」問到蜜運中的樂仔如果真的在金像獎拿影帝會否再下一城公佈婚訊，樂仔笑言不會了。
info
Make Up : Jenny Tziong(余文樂)
Hair : Ben Yeung (Hair Corner)(余文樂)
Make up & Hair : 雪(曾志偉)
場地：1563 at the East
服裝：Erave HK(曾志偉)