第六場､第三班､一二○○米。「你知我心」雖然近績平平，但須知道此駒喺同程嘅成績極出色，曾取得兩贏五位，看上賽由皓楠仔角逐此程，八檔起步走外疊快跟半程，轉入直路才乏力負三個半馬位；今強配潘頓要高度留意。
第七場､第一班､一八○○米。「萬馬飛騰」今季八戰獲兩冠一亞一季一殿一第五，只兩次冇獎金，而今殺上頂班初爭千八，雷神也一早向小方卜定帥印，埋門騎者替牠再試田草一哩閘，推策下跑第三，睇落好似唔係咁弗，不過雷神曾話過此駒跑窄場嘅爆發力同喺田草係兩隻馬，值得重視。
第八場､第三班､一六五○米。「爪皇烈焰」上季中起不論跑田戰或谷草均不時追入前四名，而今季當牠第三度出賽時，便由史卓豐執韁勝出谷草三班一哩，並以兩個馬位彈甩對手；而打後三爭此程再取一冠一殿一第五；今晚沿用郭能排四檔好位，留放好可再添進帳。