第四場、第四班、一八○○米。告東尼馬房「戈寶」與目前澳洲服役的頂級三歲馬「飛速雅迪」同出自父系「愛迪神駒」，「戈寶」為其母的第四胎，之前三胎都已贏馬，取勝路程千二至千六米。此駒前賽加頭罩初跑谷草一哩走勢頗為悅目，出閘主動居前搶位，沿途守在前領馬之後，可能首次跑急彎關係，轉彎有外閃傾向，但終點前換腳再撲上追回第六鬥心十足；有過一次谷草經驗，剛役在蔡明紹胯下後上如飛衝入第四名；今次再加程報千八米更利追趕，只要沿用上場類似跑法，有機會早段楔入內欄，直路上前趕過對手開胡。
今季唔少資深馬主名下馬相繼報捷，例如「必得勝」、「超有利」及「翔惑」等。前主席黃頌顯養馬接近三十載，近季支持霍利時清一色以「趣」字命名，今次有「勁趣」列陣跑馬地銀瓶。「勁趣」抵港廿一戰只得一捷，主要原因本身來自德國亦跑過當地打吡，來港需時適應，紙上血統具長力但實際上以一哩至千八米較佳，路程延長衝刺力會減弱。近仗馬房部署「勁趣」集中於谷草發展，能夠避開一批沙田質新惡馬，今次快馬林立場合啱晒此駒施展強橫後勁，屬贏馬黃金機會。