「熱血公民」副主席鄭錦滿因為藐視法庭被判即時監禁3個月，不少網民都留言歡迎判決，當然亦少不了一眾親「熱狗」網民留言怒斥法官為「狗官」、聲稱鄭錦滿被「政治檢控」等。雖然「熱狗」又有成員入獄，但他們不會坐視勢力減弱，更借機清算其他政黨，在facebook（fb）發帖說︰「監就『熱狗』坐！ 光環就『本民青』領！」並加上「你見過本民青坐監未」、「無」、「真係無」等標籤（hashtag）。
市民認同判決：罪有應得
違反法庭禁令參與違法「佔領」旺角的鄭錦滿被判入獄，當然有不少市民認同法庭判決，認為違法者承擔法律後果是罪有應得，不過，「熱狗」中人和親「熱狗」網民當然唔係咁諗，紛紛留言鬧爆法官和政府。
「熱血公民」主席、立法會議員鄭松泰在得知判決後，就在fb發帖稱︰「接連兩日有手足入獄，雖然我相信大家已經早有準備，但始終想說一句：『香港地，義人太少，×人太多。』」着大家不要「放棄夢想」云云。
一眾粉絲則在《熱血時報》等fb帖文下留言鬧爆法官和政府，有人稱這是「政治檢控」，又有人大鬧法官為「狗官」，並聲言「唔會放過你地（哋）」，更有人對於鄭錦滿被指「藐視法庭」，回應說「藐視極權是人類正確的行為」。不過，「熱狗」核心成員就醒好多，多數都只是轉發訊息。
未知是否因為擔心又一成員「入冊」，會影響「熱狗」勢力，有人借機「清算」之前的「政治恩怨」。「霍由佳」就出帖寫道︰「監就『熱狗』坐！光環就『本民青』領！」並加上「你見過本民青坐監未」、「無」、「真係無」的標籤，將矛頭指向「本土民主前線」和「青年新政」。
「Siulok Chan」則留言道︰「唔好咁啦，（本民前）黃肉碎台仰兄，都講×到明，好×驚坐監吖馬（嘛），出嚟係攞威同攞錢，睇開啲啦，揾笨×同揾食啫，『熱狗』損兵折將，都算上咗寶貴嘅一課！」
「Cheung Joseph」就留言質問︰「話『熱普城』收『共匪』錢的，出嚟講兩句？」「Paco Yung」就批評︰「點解好似有好多人關注『佔中三子』同其餘六個人，無咩人關心佢地（哋）兩個......」■記者 甘瑜
「狗流」VS主流意見
「熱狗」陣營鬧爆判決
何貞貞：班狗官，唔會放過你地（哋），歷練使人更堅強，四眼保重身體，支持你！
Rebecca Asianet︰越是打壓，香港人越吾（唔）妥你呢個19正苦（政府）。
Gigi Weng：又多一個政治逼害受害者。
Ricky Kin Cheng：個官冇×野（嘢）吖，係咪食×錯藥 ？
B Ox Yeung：×吖！咩法官？
Katy Mary：藐視極權是人類正確的行為。
主流網民歡迎判決
Tat Wah Cheung：熱烈地彈琴熱烈地唱......喜氣洋洋！
Nancy Chung：法官不偏頗判刑就正確。佢真係罪有應得。
Candy Yam：判得好，這才是法律，做錯就要認。
劉華：「鄭先是遲到，繼而玩手機」？咁×有型，應得嘅！
鄧力勤：食得鹹魚抵得渴呀入去坐啦！
Albert Lee：社會敗類，接受法律嘅制裁，大快人心。