今季梁家俊嘅成績唔錯，佢希望喺季內餘下嘅賽事繼續得到支持，贏得更多頭馬。
剛戰在快活谷一哩角逐，在梁家俊胯下跑入一席第二名，季內首次在三甲上名嘅「紅旗飛將」，今仗在此程再戰，高伯新再次將馬兒交由梁家俊主轡，騎者說：「上仗馬兒雖然取得位置，賽前對佢嘅機會冇乜信心，因為排在外檔起步形勢不利，能夠有好表現，跟負輕磅及全程在前列位置佔先機不無關係，若非有內閃情況而影響發揮，應會有更佳嘅名次，期望今戰有好形勢配合可以收復前失。」
喺快活谷一哩有好表現，至今取得一冠一季好成績嘅「琪麟穎」，上仗在此程參賽跑入一席第三，梁家俊策騎馬兒在同程出賽，他對馬匹的機會甚樂觀，他說：「馬兒在陣上表現忠心，沙田和快活谷均可以應付，剛戰在快活谷一哩上陣是有爭勝機會，可惜運氣不濟，在陣上受到擠阻而影響發揮，與頭馬相距並不太遠，力保一席位置，對佢嘅成績已感到滿意，賽後復課狀態仍保持得好好，期望今仗蒙幸運之神眷顧，陣上不受擠阻，發揮出水準嘅話，是有機會贏馬而回。」