【資料速遞】精算八方一鳴驚人

2017-05-26

蔡約翰馬房號召力驚人，唔少馬主都想將愛駒交俾佢訓練。蔡神仙早前憑兩匹初出馬「旺蝦王」、「天下為攻」起孖，喺幾近篤定蟬聯冠軍練馬師之際，依然精英盡出。無他嘅，因為佢大把子彈。翻查今季資料，蔡約翰仲有「西方快車」、「當家精選」、「爭分奪秒」在港初出即勝，廄侶「哈蝦巴爸」、「魅力知友」及「常豐裕」等等，即使未能一出即贏，但好快已交出好表現，證明倉主作風非常急進。點解嘅？咪就係大把子彈，藍籌馬房唔愁冇新兵加盟，今次三匹初出馬「紅運發財」、「紅運爵士」及「精算八方」自然要嘜實。