■鄭伊健香港文匯報訊（記者 梁靜儀）鄭伊健昨日以特別嘉賓身份出席全港首間MX4D動感影院開幕活動，其他出席的藝人還有衛詩雅、吳家麗、麥玲玲、莊思敏與妹妹莊思明等。率先體驗過MX4D動感影院的伊健大讚好好玩：「會噴水，要低頭同縮腳，又會有被人篤背脊的效果。」
伊健表示平日會入戲院睇戲，會選擇睇早場及晚上七點零較少人的場次，那就不用喬裝。他謂很少睇自己的電影，因為拍戲是工作，而睇戲是自己的興趣，他喜歡睇特技科幻電影，太太蒙嘉慧都一樣。
留長了頭髮的伊健，透露近日忙於拍攝錢嘉樂執導、曾志偉監製的電影，其他演員有陳小春及林曉峰等人，三月已開始拍，去過日本及布達佩斯等多個地方拍攝，近日因為轉景而可稍作休息。伊健透露在布達佩斯拍攝動作場面時不慎整傷膊頭舊患：「整親左膊，今次已經係第三次整到，舊患加新傷，韌帶同啲骨有事，有啲麻煩，有睇骨科、中醫同西醫，要放血，第一次睇醫生時仲話要吊住隻手兩個月，當日都沖唔到涼。」問到是否要老婆餵食飯？他笑說：「返嚟都好咗一半，（煲湯畀你補身？）冇呀！」伊健又指雖不用做手術，但因為移了位要托返，總之好棘手。問到之後會否再拍動作戲？他指應該七月中再拍，所以趁這段時間休息。
衛詩雅左邊嘴唇貼了膠布，她解釋在出席活動前去了脫癦，而這粒癦今次已是第三次脫，合共用了萬多元，醫生指她是第一個要脫三次癦的病人，問到會否擔心黑色素會變成皮膚癌？她說：「冇諗，而家聽到都有啲擔心，但應該唔會。」