【資料速遞】爭分奪秒養精蓄銳

2017-06-09

香港打吡大賽於三月中跑完，但各路人馬隨即為下屆四歲三冠系列作籌備，好像摩廄的「火箭駒」，剛攻陷二班賽，在打吡路程二千米建功已升至九十一分，其實以此駒的戰鬥力，只要保持進度，任何馬都不易在打吡擊敗牠。另一大陣營蔡約翰，「當家精選」有否長力未知，但四戰全勝已達九十八分，肯定係下屆經典一哩賽主角，另外蔡約翰另一匹九十一分「爭分奪秒」，相信目標同指經典一哩賽。「爭分奪秒」服役七戰得三冠四位，上名率百分之百，實力深不可測，下季更成熟跑一哩當然不成問題。此駒上仗勝後三度試閘，並兩度勝出，抖足三個月養精蓄銳才再來，備戰咁有誠意，肯定想贏多場先至抖暑。