第五場「精算八方」在港初出直路賽立即順利打響頭炮，蔡廄三歲當起馬進步良多，看上次末段遲遲始加速，今次加程二百米估計更合腳法，雷神再騎可期梅開二度。「友誼之星」自購馬來到四班肯定有優勢，上次上名未有加分間接鼓勵再拚，潘頓操刀駕輕就熟，路合料三甲穩入。
第六場「勝利仔」忠心馬跨季十場跑入三甲準得交關，評分雖然不斷上試高位但今次換潘明輝減十磅相對好跑，出戰沙田長直路更利追趕，有望再贏一場才抖暑。「安荃」雖然經已兩季無贏馬，能力方面稍稍見盡，但畢竟跑三班賽事長期可進佔前四名，前駒若有閃失便可代之而起。
第七場「紅運精彩」季內主力攻泥地一哩終於在上次贏馬交代，難得賽後只加五分阻力不大，原庄配搭再戰勝途，交出水準連捷望濃。「摩高一丈」五歲北半球自購馬終於適應水土環境，近期主攻泥地走勢越來越好，打王牌再臨有力挑戰前駒。
第八場「真好彩」今季出道四戰全跑田草千二米得兩冠一亞一殿，上次雷神接手大勝而回，質新馬目前處於虛分期，對手無多有力完成季內三捷。「劍無名」千二磅馬上次久休逾年復出都走得唔錯，經重新開氣後再來可提升名次，「劍」系馬近期攻勢凌厲，跟紅頂白相信唔會錯。
第九場「明月青天」上次田草二千米跑第四山雨欲來，今次縮程跑一哩更利貫注，負輕磅惡氣十足，提防在此現真身。「線路勇駒」上次跑哩半路程明顯太長及卡士唔夠，今次重返二班用潘明輝可反客為主，能亂大局者以牠最具資格。
第十場「小巨人」在新西蘭兩出兩捷，來港插班又以晨操姿態贏馬嶄露頭角，真正實力深不可測，贏完後再由潘頓試好大閘，備戰一絲不苟有心打硬仗，尾場爭勝分子。「喜悅繽紛」季內五勝成績美滿，大熟當打馬沿用最佳拍檔莫雷拉執刀可與前駒大打遭遇戰。