■羅天宇直認追求湯洛雯。香港文匯報訊（記者 梁靜儀）羅天宇、劉佩玥（Moon）、黃子恆及衛志豪昨日在暴雨下到茶果嶺道建造業議會訓練場拍攝TVB節目《築．動．愛》外景。傳出緋聞多時的羅天宇與湯洛雯，一直不肯承認戀情，但日前湯洛雯就突然自爆有了解中的對象，不排除會閃婚，還被黎諾懿爆其對象姓羅，暗指是羅天宇，對此，天宇笑指黎諾懿亂噏，但直認追求湯洛雯，又指對方很難追。
對於湯洛雯突然自爆有了解中對象，更不排除閃婚，問到羅天宇是否已求婚？他即一臉害羞說：「梗係唔係啦，（了解中？）其實了解好耐，但係佢一直唔畀我了解。」說到女方今次開綠燈？他即追問湯洛雯當日是如何說的，又指自己收到的訊息不是這樣。 說到黎諾懿想幫他手追女仔，天宇就笑說：「佢好難追，（拖過手仔未？）冇呀，差唔多放棄轉目標，阿Moon都單身，幾好呀。」身旁的阿Moon即叫他不要拉她落水，又透露二人稍後在新劇會有合作。問到可擔心日久生情？阿Moon 笑說：「咁對象應該唔係我，因為劇中我哋唔係好多對手戲， 我同黃子恆做情侶，天宇最多對手戲係同陳瀅，（想撮合佢哋？）拉陳瀅落水，等自己可以迴避。」
劉佩玥不抗拒男生做地盤
問到天宇三個女神中誰最好？他避談說：「我唔知呀， 咁樣問好大壓力。」問到他何時開始追求湯洛雯的？ 天宇一副冧樣透露二人是因合作處境劇《愛．回家》首次認識：「當時我哋都係新人，應付一啲重要場口時自己記性唔好， 湯洛雯都會鼓勵我，叫我加油，（還差甚麼？）我都唔知道差啲乜？（表白未？）又冇咁白，等事業有成先，希望快啲，（ 屋企人有無催婚？）催我快啲事業有成，我努力中。」
另外，談到昨日在地盤拍攝，阿Moon自言甚少機會踏足，覺得幾有趣，亦不抗拒在地盤工作的男生，覺得他們很Man： 「每一個肯用自己勞力同花心機工作的男性係好有上進心， 加上日曬雨淋唔係易事，有呢份工作熱誠已好吸引。」 而劇中飾演在地盤工作的天宇， 表示事前公司安排師傅教他們專業手勢及做安全措拖， 令他學到很多。