■歌神許冠傑及樂壇校長譚詠麟在紅館開騷，兩人笑言要唱到80歲。香港文匯報訊（記者 李思穎）兩位殿堂級歌手許冠傑（阿Sam）和譚詠麟（阿倫）前晚為一連12場《阿Sam &阿Tam Happy Together》演唱會假紅館正式開騷，更獲特首林鄭月娥親臨撐場。化身歌迷的林鄭乃是Sam的小師妹，兩人同讀香港大學，Sam在演唱會尾聲時向着林鄭演繹歌曲《鐵塔凌雲》，憑歌寄意表達對香港情懷，阿倫亦有唱出早前被國家主席習近平在訪港時引用歌詞的歌曲《創造命運》以勉勵港人。
當晚林鄭睇足全場，其後更在社交網上留言抒發感受。阿Sam亦特意送上這首歌給小師妹，更怕林鄭要中途離場，便放在演唱會前部分唱出。Sam和阿倫這對難得組合，源源送上經典歌曲，令在場粉絲聽得如癡如醉，兩人又走近觀眾席握手和錫錫，最愛搞笑的阿倫指近日流感肆虐，避免交叉感染不宜錫嘴，阿Sam便問「飛吻可以嗎？」最後Sam都有與小數歌迷「咀嘴」，阿倫在握手時被抓損，又差點拉傷膊頭舊患，幸而沒有大礙。
其間播出黃子華扮新聞報道員的片段，他論盡這兩位「歌神」：「神是由無到有創造出來，歌神Sam便創造出粵語流行歌。」他又指現時香港人很喜歡講核心價值，不過歌神兩句就講出核心價值，『為兩餐乜都肯制，前世』。」隨後子華在片段上講到阿倫是「歌壇之神」，是香港開得最多演唱會的人，可以自己開，又可以同人一齊開，(他)開演唱會就等於一個人打一世工的酬勞。一日開兩場輕而易舉，其實考慮過一日開三場，第一場是朝早六點半，睇完騷先返工，後來放棄，因為怕你們唔夠精神，所以點解可以做神，年年25歲，好精神。」全場爆笑，之後阿倫唱出曾被國家主席習近平引用過歌詞的《創造命運》，他說：「這首歌是由黃百鳴填詞，他好有遠見，好有品味，好有眼光，高瞻遠矚，好適合香港人聽。」
嘉賓除了有李小龍女兒李香凝外，Sam的二位兒子許懷欣和許懷谷都有上台唱歌，他們更被阿倫問爸爸阿Sam是否「虎爸」，懷欣大讚爸爸好nice，會講故事和一起沖涼，此時，阿Sam「發功」笑阿倫：「始終都見唔到你個仔個樣，只係見到頭髮同後尾枕，個樣都唔畀我睇，應該係小鮮肉！」現場播出阿倫攬住兒子背向鏡頭相片，全場起哄，阿倫打圓場說：「你們幻像，睇錯，邊個咁曳放張相出來，唔好講，多謝關心。」阿倫繼而便把話題扯到阿Sam的歌。
齊向已故歌手致敬
近尾聲時，阿倫問到Sam這次開演唱會的感覺，Sam表示好榮幸當上阿倫的偶像，阿倫就解釋視阿Sam為偶像因由：「1971年見到Sam開騷想似佢咁威，十年後我在大球場開演唱會，Sam好多嘢啟發到我，深深感受到無論生命、音樂都係領袖。」之後阿倫向着台下的許冠文憶述當年阿Sam患上高山症一事：「大家可能唔知，1986年Sam拍電影時意外患上高山症令到好多人擔心，同年年中Sam要去日本做作品展，我同許冠文就在台下望住Sam在台上講嘢，但其實當時Sam狀態未復元，但Sam堅持上台講嘢。」阿倫激動哽咽，不能言語，更忍不住落淚說：「當時我和許冠文都兩行眼淚，Sam唔止係我偶像，他是代表我們香港人，Sam唔會就咁樣，我同許冠文講『信我』，我心目中覺得Sam一定得，無耐Sam就出返來唱，唱到今時今日！」阿倫和Sam唱出一班已故歌手歌曲，向他們致敬，包括有陳百強、張國榮等。安哥時，兩人唱到不捨得落台，最後要到接近半夜的11時59分完騷罰錢收場。
完騷後兩人到後台接受訪問，說到阿倫講到Sam患高山症時感觸落淚，阿倫謂：「保守這個秘密很多年，希望Sam不要介意，當時真的很擔心，我還安慰許冠文話Sam一定掂，要給他時間。」Sam打趣說：「終於唔死得。」