■戴耀廷順勢將林子健案件和「一地兩檢」拉上關係。民主黨成員林子健聲稱俾操普通話者「擄走」，邊個會照單全收再借機宣傳？就係「佔中三丑」之一嘅「戴妖」（戴耀廷）。戴耀廷喺林子健開記招當日就直接入內地政府數，聲稱「大陸（內地）強力部門竟明目張膽、肆無忌憚在香港本土對港人施加酷刑，......不要再幻想（特首）林鄭可以為守護香港做甚麼，『一地兩檢』就是出賣香港！」雖然有網民留言向戴妖求教，問可以點樣做，但亦有理智網民指出戴妖無證無據，更有人揶揄，林子健所講嘅事件中，起碼有15個「奇蹟」發生。
「王文」細心同大家重溫一次林子健聲稱被擄嘅情況話︰「林子健向警方表示，他由西貢乘搭的士到馬鞍山住所附近後，先到餐廳進食，才回住所。奇跡開始發生︰1.無厘頭上高會知佢想接觸劉霞。2.又無厘頭到信佢知劉霞係（喺）邊，3.更無厘頭到因美斯簽名大動干戈，而他自己是球迷。」
他續稱：「3. 好喇，旺角對方無武器成200磅任人拉上車叫都唔叫，4. 對方綁手鬆到繩印都無，5.d（啲）釘個個十字無歪無鈄（斜）全無掙扎閃縮跡象，全部在自己。 前。面手到之處。6. 對方又好人到幫佢著（着）返褲。7. 又唔攞手機。8. 更神奇到無拿走美斯簽名。」
他並質疑林子健被「釋放」後的行為不合常理：「9. 插住廿口書釘行十幾分鐘截的士、上到的士竟唔問地方。10. 唔開手機唔報警又。11. 唔諗去醫院除釘。12. 坐過百蚊的士返屋企仍施施然插住廿口釘冲（沖）凉（涼）洗衫瞓覺，13. 再直Call李大狀（李柱銘）忍痛忍到下午開記招，14. 開記招時更曾有撓腳動作...... 我好想問下香港730萬市民，問心講，你們信唔信。」
戴妖信口雌黃遭質問
「鄧菲烈」則反問戴妖︰「在現階段，有什麼證據是內地強力部門做呢？若沒有，為什麼可以公開這樣說呢？」「Henry Chan」亦說︰「不要老是危言聳聽， 警方還在調查中。 我也可以講是教授你做的， 目的是陷害中傷中國，破壞『一國兩制』。真學者應以理性證據來說服人。」
不過，戴妖都有其支持者，「Terence Wong」就虛心求教問︰「教授、 我們可以怎樣呢？」戴妖回覆話︰「一傳一，讓更多港人明白我們必須抗爭。抗爭之路很長，要堅持也要智慧，但先要有更多人醒覺！」「Stanley Cheung」就留言寸佢︰「好多人已經覺醒左（咗）啦，睇清楚你呢D（啲）反中亂港偽民主之徒既（嘅）所作所為，你唔見出嚟遊行集會既（嘅）人越來越少咩？」 ■香港文匯報記者 甘瑜