■張寶欣奪「最佳首飾演繹佳麗」獎。香港文匯報訊（記者 梁靜儀）十位應屆候選港姐昨日到銅鑼灣試戴珠寶首飾，並即場由佳麗投票選出「最佳首飾演繹佳麗」，最終由10號張寶欣（Boanne）奪得。
Boanne表示投票給了邱晴，覺得對方表現淡定，而她平日會佩戴款式簡約的首飾，名貴的首飾暫未有能力購買，都是家人送贈。問到她得到候選佳麗支持，可怕會步家姐張寶兒後塵得「友誼小姐」？Boanne笑說不怕：「交到一班朋友，名次唔重要，我覺得友誼小姐都幾好，即代表得到佳麗的認同。（但得唔到評判認同？）都只係我表現唔好，並非為人不好。」
此外，問到家姐張寶兒可有帶男友袁偉豪回家見家長？Boanne笑言還未見到袁偉豪真人，都很期待，自己也很欣賞對方：「知道時都有少少驚喜，家姐平時好少主動談及感情事，係我知道後自己八卦去問她，因電腦係咁彈出嚟，我見到媽咪睇到都笑瞇瞇，（媽咪好滿意袁偉豪？）媽咪都好驚喜，不過她對我們的拍拖對象都唔會太嚴謹，只要有上進心就OK。」她又爆蜜運中的家姐很開心，見對方經常在甜笑。笑問是否見家姐找到個靚仔健碩的小生男友，所以不怕當「友誼小姐」？寶欣笑言：「其實攞不攞到都應該識到好男仔的。」
邱晴認來自單親家庭
6號邱晴透露投了張寶欣一票。談到有報道指她成長於單親家庭，為母參選？邱晴坦言的確是成長於單親家庭，由細都是媽咪獨力湊大她，但並非為母參選，只是想令媽咪有她這個女兒而驕傲。說起媽咪眼濕濕的她，又指無論她做什麼媽咪都會支持，又會陪她減肥，她說：「我會全力以赴來報答媽咪，都擔心到時在台上講起媽咪講到喊，（媽咪想妳入行？）我可以做到自己喜歡的事，媽咪就會開心。」她又稱今次不是媽咪提名她參選的，是由媽咪的朋友提名，問到爸爸可知她參選？邱晴直言兩父女已很久無聯絡。
1號何依婷則表示平日愛佩戴首飾來襯衫，但從沒有男孩送給她，多是家人送贈。問到可想擁有一套名貴首飾？她笑說：「女仔都鍾意珠寶，自己鍾意鑽石，好閃又百搭，第一套首飾要自己買先有意義。」