胡琳香港文匯報訊 （記者 植植）薛家燕、Sunny Wong及胡琳（Biance）日前出席樓盤開售活動，胡琳即席炮製「黯然銷魂飯」予家燕姐品嚐，製作中Bianca表現得雞手鴨腳，要由米芝蓮廚神黎偉鴻出手相助。
胡琳事後表示自己廚藝了得，不過往往沒人相信，但都試過下廚給男友， 逼對方試味，她說：「真係煮畀男朋友食，佢一定要讚好味㗎，冇得畀佢揀 。我大部分時間煮嘢都好好味，失手個次煮西班牙血腸，出來好似排洩物咁，都有影相做個紀念！」
家燕姐透露自己計劃開餅店，要視乎發展商給予多少折扣才決定投資金額，家燕姐說：「其實投資我唔算有心得，但投資磚頭就一定好，以我個人經驗來講，我買過基金、股票，但一跌都走唔切，連息口都蝕埋！但樓都係租畀人，跌咪唔放住囉！現在想做餅店生意，外國遊客一路食又可以見到我個開心樣，做代表香港人的手信。」
而同場出席的Sunny Wong就話同郭富城以前經常「掃街」買小食：「以前都會食串魚蛋咁囉，不過真係好耐囉。（城城個BB就出世？）其實呢樣嘢呢， 佢開心就得。（送咩畀佢？）未諗，到時先算啦！」