■陳凱彤生日，Fans送壯男手臂抱枕慰藉。香港文匯報訊 英皇歌手陳凱彤（Lillian）昨日二十四歲生日，前日她的歌迷包場為她慶生。生日會上，陳凱彤跟歌迷大玩遊戲，其間更用腳玩美式桌球，不過腳法就麻麻。一輪熱身後，歌迷們送上她喜愛的「Little Twin Star」蛋糕及禮物，其間有歌迷送上一條壯男手臂枕頭，Lillian話估佢唔到：「可能他們怕我dry啦，擔心我沒拖拍，我𠵱家係單身，都dry dry哋，哈哈，有隻壯男手臂都幾好，一見到就諗起班歌迷。」
生日前夕同歌迷過，正日就留畀屋企人，Lillian說：「我屋企好傳統，係會一齊切蛋糕同食飯。」至於生日願望，Lillian就話：「有三個願望，第一希望我的音樂可以一路陪住大家，第二希望家人身體健康，因為近排屋企人身體唔係幾好，有點擔心。最後一個願望唔講得，留番畀自己，哈哈。」