■蕭正楠、曹永廉、田蕊妮等出席劇集《超時空男臣》祝捷會，三人聯同監製即場公佈劇集結局最高收視34點， 成績理想。香港文匯報訊（記者 梁靜儀）蕭正楠(Edwin)、曹永廉(阿廉)、田蕊妮(阿田)等前晚到 尖沙咀出席劇集《超時空男臣》祝捷會，三人聯同監製夾錢請食飯慰勞台前幕後人員，並即場公佈劇集結局收視為30.1點， 結局周平均收視達30.4點，而最高收視是28集，高達34點， 成績理想。劇集有好收視，問到會否開拍續集？阿廉說：「係都冇咁快，Edwin又要拍劇，監製又有劇開，希望有機會原班人馬，加埋阿嫂（Edwin女友黃翠如）一齊拍。」
談到翠如在新劇《使徒行者2》中有不少咀戲，他說：「 有睇宣傳片，我戥佢so囉，周柏豪同袁偉豪都靚仔。」 旁邊的阿廉就對Edwin笑說：「對比你當然靚仔。」問到會否收睇該劇？Edwin表示一定會睇，但他晚上就要飛去意大利等多個地方拍《 Do姐去shopping》，會上網睇返。問到可會感到酸溜溜？ 他笑說：「我都有同蝦頭（楊詩敏）及同阿田咀， 大家知拍戲係假嘅。」他又強烈要求即使開拍《超》劇開拍續集， 千萬不要安排他與阿廉拍咀戲，問到是否因阿廉有口臭？阿廉即搶着說：「佢牙周病好耐。」Edwin即還擊：「你爛牙我都冇講，別人點解坐阿廉隔離有陣榴槤味， 我話唔係榴槤，係佢有爛牙。」阿廉不甘示弱再說：「係咪你遞高了格肋底？」二人調笑完一輪後，Edwin又正經表示，之後要飛成個月，希望大家幫手照顧翠如，還有拜託大家照顧有少少弱智的「二弟」阿廉。
阿田因擺烏龍去錯地方
姍姍來遲的阿田到場後即道歉並解釋因擺烏龍去錯地方，她不好意思說：「烏龍係我本性，我一聽到打邊爐就以為是平日去開的九龍城分店，沒為意係尖沙咀嗰間，去到泊好車，問帶位嗰夥計，佢好似唔係好知咁，仲以為係新來。」