■左起：馮素波、薛家燕及沈芝華「三公主」難得再合作。薛家燕、馮素波及沈芝華3位「影壇七公主」成員難得相隔50年再聚首合作拍《燦爛的外母》，早前3人抽空接受香港文匯報獨家專訪，家燕姐及波姐大爆今次「二家姐」沈芝華拍劇用私伙珠寶。說到往事，3人爆笑連場。未來日子，她們希望「七公主」有機會合體，一起演出。■採訪：植毅儀、攝影：彭子文
薛家燕主演的《燦爛的外母》今晚播出大結局，這套劇對家燕姐來說，意義重大，除了因劇集是為她度身訂做戲份外，還是和「大家姐」馮素波、「二家姐」沈芝華於50年後的首次同台演出。家燕姐表示今次向監製要求讓沈芝華客串，「我們三人對上一次一同合作已經是《七公主》，今次二家姐沈芝華回港睇大家姐馮素波演唱會，又會捧寶珠（陳寶珠）場，所以我叫佢呢段時間入來客串一角，捧吓我場，都係一次經典合作。」 在旁芝華姐表示自己長居上海，她慨嘆時間過得快，今次返港收穫很大，每天都約好姊妹出來食飯。
說到今次客串趣事，有50多年沒有拍戲的芝華姐表示整個過程感到很驚。她說：「我唔係好識拍劇，因為以前是在舞台上打，又或是拍電影。自己唔識走位，又怕做得唔好，NG累到其他人。一入TVB連食飯喺邊度食都唔知，好彩日日跟住大家姐（馮素波），有佢照顧我。」波姐即說：「唔敢當。我爆一樣好好笑的烏龍事畀你知，話說有日在酒店拍家燕娶新抱戲份，我發覺全場氣溫愈來愈熱，唔少演員都出咗外面透氣，細問酒店侍應，原來係因為二家姐覺得冷氣好凍，叫人關掉幾部冷氣，我聽完後真畀佢激死。」而當日在台上做「奶奶」的家燕姐再爆另一趣事，家燕姐說：「嗰日我見二家姐大喼細喼，拍完戲又把衣服慢慢逐件摺好，把首飾逐件包好。我心諗『咩唔係有道具手足跟尾？』後來細問之下，才知道原來當日二家姐身上穿的靚衫及首飾，全部是她的私伙物品，全部真嘢來。」
盼七公主明年再聚
姊妹情深，回想已返港兩個月的快樂日子，不知何時才再相聚，芝華姐忽然悲從中來，忍不住在訪問中灑淚。波姐立即安慰，笑言今次多了工作，可以做沈芝華的保母，而家燕姐則笑言可以做沈芝華的經理人。問會否希望與其他七位「公主」一齊登台，家燕姐坦言有很多娛樂公司找她們演出，但7人各有各忙，未有時間。家燕姐說：「芳芳（蕭芳芳）有耳疾問題，講咗未必可以演出。七妹馮寶寶又成日都唔喺香港，真係好難夾時間，但我都好希望成事，睇吓明年我個仔結婚，可以齊人，影張大合照都好啊。」