《那年花開月正圓》正於內地及myTV SUPER同步點播，上月尾開始在內地與香港兩地播出，而內地點擊率更十分驚人，播出短短一星期時已達10億點擊率，累積至今更已衝破72.9億點擊率。劇中孫儷演清朝末年「女商聖」周瑩，以獨有的聰慧和毅力解決種種困難，在商場上叱咤風雲。至於演孫儷的奶奶、吳蔚文夫人鄭氏的龔慈恩，於劇中喪子，戲力萬鈞，網友讚揚說：「中年喪子的無神、喪偶後的懦弱無能，人物塑造得很有特點。」
內地劇集《那年花開月正圓》於myTV SUPER同步開播就好評如潮，收視有升無跌大受歡迎，隨着劇情愈播愈緊湊，更掀起一陣煲劇熱潮。事實上，電視友除了睇孫儷動靜皆宜的好演技之外，劇中亦不乏好戲之人，繼沈家老爺沈四海（謝君豪飾）獲讚賞外，飾演孫儷奶奶的龔慈恩亦圈粉無數。今次雖是龔慈恩首次和孫儷合作，龔姐大讚對方十分勤力，做足功課，拍攝過程幾乎沒有NG。
「劇中我飾演吳家大太太鄭氏，是一個懵奶奶，一個好傳统的人。因為誤信讒言，害死周瑩（孫儷飾）同吳聘（何潤東飾） 的BB，仲差啲害死埋周瑩。今次係同孫儷首次合作，大家之前都有機會合作，但剛巧佢當時有了第二胎，無緣合作。孫儷是一個好勤力的演員，佢開拍前已經熟讀劇本，甚至已經去過拍攝現場睇景，所以一埋位大家都拍得好順。印象最深刻是一場出殯戲，劇本要我好歇斯底里咁喊，初時我都做得唔好，後來看了好多關於陝西的風土人情片，明白陝西人的情感，也做到導演要的呼天搶地的感覺。」
讚子女都好生性
龔慈恩於1999年與台灣男藝人「花系列」小生林煒在加拿大多倫多註冊結婚，她曾因婚姻而淡出幕前，移居台灣，生下大女林愷鈴（Ashley）及細仔林卓毅。近年兒女漸長，龔慈恩決定復出。
一對仔女遺傳了父母的藝術細胞，特別是明年便18歲的Ashley，遺傳了母親的精緻五官，氣質清純，近年更不時與母親一起拍廣告、出席活動，跟53歲的龔姐如一對姊妹花。問到龔姐可會為女兒鋪路入娛樂圈，龔姐自言一切睇囡囡自己決定。
「囡囡是個笑喊容易的人，但個性強韌，佢好有藝術天分，喜歡畫畫。佢又鍾意同朋友們作曲，將來佢條路點行，佢自己決定。我帶佢參加活動、商場騷，是希望佢睇多一些不同的事。她在參與的過程中，學到好多嘢，明白做一個活動唔簡單。其實從小到大，我都沒迫兩個小朋友學任何嘢，但他們都好生性，不用我們擔心。以前細個，我回內地工作同佢哋傾電話，會話『好掛住媽咪』。現在大個仔，大個女，有自己的世界。」■採、攝：植毅儀、服裝：Phase Eight、化妝、髮型：Joewe Chung@PurpleArt Makeup Workshop