■陳欣健(左二)和章國明(中)大談那些年的港產警匪片。香港文匯報訊 陳欣健和章國明作客奇妙電視《那些年·娛樂巴巴閉》節目，跟主持鄭啟泰、翟浩然和Kawaii暢談經典港產警匪片，陳欣健指當年麥當雄開拍電影《省港旗兵》，除主角林威乃邵氏演員外，其他全部演員都是真實的「大圈仔」，陳欣健娓娓而說：「佢哋拍拍吓就會停工去做世界（犯案），有個後來死咗啦！」
陳欣健指麥當雄的拍攝手法重視真實感，他笑道：「佢黐線㗎，拍打劫戲，真係大街大巷搭個景、擺十幾部機來拍，效果真嘅一樣；拍劫犯戲，真係早上9點幾走去青山道間法庭拍，嚇到法庭啲人呆晒，最後咪拉晒我哋上差館囉！」章國明認為犯險拍戲實在不值得，但認同每個導演都有各自的拍攝風格。
章國明首部執導的警匪片是《點指兵兵》，他可謂港產警匪片開山始祖，第二部是描寫警察臥底的電影《邊緣人》，當時章國明力邀陳欣健演出，但就被陳欣健婉拒。陳欣健坦白說：「當時我唔講得拒拍原因，事實係我當差初期就係做臥底，我驚接咗你部戲會影響到做緊臥底嘅同僚，所以唔拍囉！」
陳欣健早年任職警界時位至警司，後來為蕭芳芳開拍的電影《跳灰》做資料提供，最後辭職轉行做藝人。陳欣健笑道：「好多人以為我轉行係因為畀ICAC（廉政公署）查，其實係因為《跳灰》後，好多老闆邀我做幕前，當年我做警司月薪萬二，佢哋話出3倍人工叫我轉行，我梗係即刻多謝老細啦，咁咪轉咗行囉！」陳欣健和章國明有感近年懷舊片有市場，計劃開拍懷舊警匪片，章國明還笑言要重拍《點指兵兵》。