■庫林世界的酷牛牧場飼養了不同牛種。早年澳門博彩業如日方中，陸續有賭場擴張，李俊傑當時所屬的娛樂集團是其中之一。不過他自己卻於2014年選擇急流勇退，謀求人生轉變，嘗試將以往的管理經驗投放在新事業上。「我想試吓自己的能力可否放在這個地方，當（睇）我自己買唔買得中囉。如買唔中、衰咗嘅話，咪返去敲敲度門。老細嚟過之後話：「無問題呀，Anytime welcome back!』」言談間，李俊傑仍流露着賭壇的豪氣。
「自己做咗爸爸，知道啲細路仔都好想去參與（可以接近）大自然嘅活動，不過港澳地區機會比較少，每次佢哋嚟到呢度都好開心，留下深刻回憶。」李俊傑憶述初時只是想在澳洲找個農莊，放假時兒子來享受大自然生活，尋尋覓覓下，有個朋友找來一幅地，要一星期內決定，結果買入了一幅價錢和規模是當初預算十倍的地。「買返來先發現原來咁大，心目中幾十萬澳元，𠵱家變咗幾百萬（澳元）。」
買地發展旅遊及農業
留意到土地周邊兩個項目的地主，均將土地發展成旅遊及農業項目，他於是照辦煮碗，開始清理樹木及雜草，然後畫圖研究當地作為經濟龍頭的農業。
離開當時如日方中的博彩業轉而創業，李俊傑形容「呢個賭注幾大」：「不過當時無乜選擇，同時澳門博彩業市場其實走緊下坡，好多同行覺得，你好叻仔喎。」
