香港文匯報訊（記者 凡文）以新式旗袍亮相的陳凱琳（Grace）和李家鼎昨日在鯉魚門出席食店活動，其間兩人更在船上即席烹調避風塘風味炸雞。訪問時，提到男友鄭嘉穎之前為此廣告商擔任代言，Grace就笑指自己不是搶男友飯碗，Grace說：「我係粉絲成日來食，佢知我接呢個Event都叫我拎新口味畀佢。（經常整雞畀佢？）炸雞未試過，甜品成日整，但佢成日都話減肥而唔敢食。（是否想接男友棒？）順其自然啦！（學佢講嗰個電話號碼話Call你會唔會怕醜？）句嘢令觀眾好入腦，都係好成功！（情侶檔拍廣告？）都希望。」
Grace又表示今次可以協助鼎爺烹調好開心，最高興是對方主動將電話號碼給她，叫她問烹飪要訣，Grace希望可以為父母或者身邊朋友煮餐好。記者笑言叫她學多幾味餸留住男友胃，Grace就指會學中餐，又稱男友不揀飲擇食，特別喜歡食雞、魚，煮過海南雞給男友吃。