第五場、第四班、一二○○米。「金剛秀」自上季中開始踏上正軌，近六仗取得一冠三亞一季一殿，演出極為準繩，惟上季尾健康出問題而提早抖暑。此駒季內首兩仗在五班俱屈居亞軍；上仗回升四班兼且抽到外檔，換上黃皓楠仍可憑輕磅優勢跑獲季軍，確認在四班亦有一爭之力；目前當然趁弗搏得就搏，今仗續跑剛戰路程谷草千二米，同晚有兩組同班同程之下，實力馬被扯散，兼且馬本身已經重新適應四班賽事步速，憑主動跑法隨時可以製造驚喜，只要出閘順利跟於前列位置，有本錢爭入三甲。
第七場、第三班、一六五○米。「紅運精彩」北半球五歲馬現在才真正踏入大熟期，季內三戰取得冠亞季各一，其中前仗於谷草一哩跑獲季軍；上仗轉爭泥地及強配莫雷拉取得今季首捷，由於雷神留放恰度，只以馬頸位之微險勝，賽後僅加五分，令今仗可以留在三班上陣，其實此駒歷季已經在此班累積三場頭馬，賽績極具說服力，在此班時刻屬前列分子；雖然贏完泥地轉跑谷草，但其實過去亦曾經在此程交出頭馬，性能不會比泥地差，如果因為轉場製造變數而分多幾蚊，反而係一件好事，乘銳氣再臨有條件爭取連捷。