香港文匯報訊（記者 李思穎）岑麗香、泰臣昨日到馬場出席元旦舉行《好運1月1日賽馬日》記者會，兩人與練馬師和騎師大玩遊戲，愛情事業順境的香香都承認是「好運」女生，更不忘大晒幸福說：「我有個好老公，好有福氣。」
身為「幸運之星」的香香表示：「從小媽咪說我是幸運小朋友，希望這份幸運帶到現在，其實我覺得自己好幸運，能夠做到喜歡的工作，又有好老公，好有福氣，希望能把幸運帶給大家。（明年會否生小朋友，繼續延續福氣？）福氣有好多種，可以有好多好事去享受，希望帶到2018。」問到聖誕會否和老公強強出外旅遊？香香謂：「要視乎有否空檔，都希望同老公去玩，始終是結婚一周年。」
問到他們會否投注買馬？香香稱：「我喜歡欣賞馬匹，訓練騎馬並不容易，自己都試過騎馬，必須要同馬匹好夾和配合。（你有否學過騎馬？）拍劇試過，但經驗好淺，所以好欣賞騎師花好多時間同馬兒訓練及培養出感情。」
泰臣謂：「有試過落注買馬，自己對賭馬沒有研究，都是跟朋友買，有次同幾個朋友夾份落注，加埋贏了5位數字，雖然贏得不多，都足以夠我們吃一頓鮑魚晚餐，不過之前都交了不少學費，都是小賭怡情，最緊要開心，亦試過到馬房拍節目，我要清理馬糞，牠們的便便不知幾有分量，哈哈。」
