■陳豪即席示範沖泡咖啡。香港文匯報訊（記者 梁靜儀）陳豪（Moses）前晚到銅鑼灣為其自家咖啡品牌Blooms Roastery & Craft Tea開設的首間Pop-up Store擔當「星級店長」，並即席示範沖泡咖啡和拼配咖啡豆，他又透露正物色店舖，希望開設實體店。
Moses表示一直以來不論在演藝事業或做咖啡都較低調，但年紀愈大開始要改變想法，覺得都要多宣傳自己，他笑說：「現在係分享時代，兩星期前亦開始玩facebook， 藝人當中我都算係最慢去玩，現在開始學識呃Like。（同網民互動？）互動唔敢講，我好忙，又要拍戲、湊仔、搞咖啡，盡量甫多啲。（受太太陳茵媺感染？）唔係，我係時候要醒，收埋自己收埋太耐喇。」
擬開實體店
說到開設Pop-up Store，Moses表示已開了五、六日，每日他都有九成時間在店內，不是只是掛名，他會親自入豆、烘焙、設計。他坦言今次是試水溫，因其咖啡工場正式開了九個月，一直都是幫別人搞咖啡生意，都希望遲些開實體店，現已開始物色舖位，好幸運得到很多人支持，有個地方都傾得七七八八。至於可會考慮推出適合小朋友的咖啡？他表示有想過，但始終有咖啡因，所以只會給小朋友飲朱古力，他說：「囝囝成日都話要試飲，又玩啲咖啡豆，都想教囝囝沖咖啡。（開定三間咖啡店畀三個仔女？）三間太少喇，不過夢想係大，實幹係慢，睇吓實際情況啦！」
提到他近日被影到帶二仔到幼稚園面試，他坦言去了多間學校面試，問到可想兩兄弟就讀同一間學校？他說：「首選當然同一間學校方便， 但每個小朋友唔同性格，要睇校風、適唔適合小朋友性格更緊要。（作為藝人帶小朋友面試有冇着數或者尷尬事？）又冇喎！同普通家長一樣都要排隊，過程都一樣，人人平等係應該，父母係咩人都應該規矩一樣。」