香港文匯報訊（記者 羅旦）多次司法覆核被判敗訴，一時呻要賠訟費一時又話要返英國嘅所謂「長洲覆核王」郭卓堅又嚟料：佢昨日入稟高等法院，話行政長官林鄭月娥在「一地兩檢」問題上，「違反」擁護基本法嘅就職誓言，要求法院DQ佢喎。不過，最多網民問的一句，就係：「佢係咪又用法援打官司？」
郭卓堅聲言，落實「一地兩檢」安排，等同林鄭月娥「主動放棄」特區的行政及司法管轄權，違反基本法第二條，即特區政府享有行政管轄權及司法獨立權；違背其就職誓言中擁護基本法的承諾，違反基本法第一百零四條，未有依據就職宣誓真誠擁護及嚴格遵守基本法，故入稟司法覆核林鄭月娥的特首資格。
對郭卓堅是次覆核申請，不少網民提出質疑。「Ckjohnny Liu」問道：「香港法庭有何權力去審中央授權香港特首資格？」「Ming Cheung」就認為：「特首係由中央委任，香港特區法院無權取消特首資格。」
網民質疑過水「泛民」
「Daniel Lee」質疑道：「郭卓堅覆核，有冇用HK法援？是否『泛民』陣營律師賺水？」「Kee Cyk」就道：「有冇指定邊條大狀呀？有冇收回佣架（㗎）？」「Yeung Kam Tim」也揶揄：「有無人去申請將長洲覆核黃（王）做一次磁力共振，分析下他是否攻民律師的提款卡？」
「Wai Sheung Tse」就嘆道：「亞伯......請你不要再攪（搞）破壞！更不要再濫用法援來滿足你不×知所謂的司法覆核的要求，更不要再浪費納稅人的金錢！」