【資料速遞】火箭駒貝湯美揀騎

2018-03-16

大摩今季力爭蟬聯打吡大賽，三匹參戰馬之中，布文因為養傷未能策騎「佳騰駒」，而要搵岳禮華頂上。其餘「火箭駒」及「喜裝寶」配搭完整，尤其貝湯美選騎全面回勇嘅「火箭駒」。「火箭駒」最近兩仗均上名，正好於打吡前夕回勇，打吡馬中只有佢及「時時精綵」贏過二千米。貝湯美被譽為大摩嘅大賽福將，但今季成為主帥，只係靠「明月千里」贏得二級賽馬會盃，睇怕佢都唔想再揀錯。「火箭駒」上場潘頓執韁跑第二名，往後操練已由貝湯美接手，今屆打吡大摩馬房三路興兵，且看「佳騰駒」與「火箭駒」洪家父子檔名下嘅馬匹，係咪由囝囝嘅「火箭駒」威番次。