【資料速遞】有理共想擅跑A欄

2018-03-16

周日賽日將採用全闊A跑道，今季田草曾六次用A欄，睇番二月十八日同一條草地賽道初三賀歲賽，當日十一場賽事第一至七場及第十場頭馬慢過標準時間，第八、第九及第十一場就快過標準時間，放頭、跟前及後上馬都有勝出，貫徹A欄少偏差特色。騎師方面，潘頓近三次田草A欄都有進帳，而且A欄今季上名率高達51%；練馬師方面，近五次田草A欄羅富全有四次勝出，而呂健威近兩次田草A欄都贏頭場；A欄特佳馬方面，「有理共想」兩戰田草千二米A欄，得一冠一季全上名，另外「紅麗舍」三戰A欄非冠即亞，上述兩駒可優先留意。