【資料速遞】蔡約翰龍船話得事

2018-03-20

周三跑馬地夜賽採用C跑道作賽，翻查今季谷草曾經六次用C欄，睇番最近二月廿一日同一條移欄九場賽事結果，當晚九場賽事之中，只得第一、第六及第八場頭馬時間快過標準時間，結合全晚跑法及形勢，放追都得好公平，場地並無大偏差。至於騎師方面，潘頓今季谷草贏二十九場頭馬排在首位，當中今季六次谷草C欄，潘頓次次都有馬贏，其中更有兩次起孖而回。練馬師方面，蔡約翰今季谷草贏十八場頭馬，經已趕過谷中虎方嘉柏排榜首位置，而且近八次谷草賽事七次有馬贏，今次僅派「話得事」及「龍船」一對馬上陣，正所謂貴精不貴多，屆時值得優先留意。