記得上次夜賽，沈拿贏隻「王者再現」，賽後接受訪問時表示，在港要贏頭馬非常困難，並非有騎技便能一帆風順，也要有人際關係，因為實力馬只集中在三兩位騎師身上，不過他依然會堅持到底，希望在香港打出名堂。他在剛跑完嘅打吡大賽，得到告東尼支持，騎隻「陸寶」上陣，沈拿不問好醜，也志在抱參與嘅態度，只希望日後能得到告東尼更多嘅支持。一直以來，沈拿實力坐騎唔多，即使有也通常都係冷門馬，能好似上周贏姚本輝馬房嘅「王者再現」，臨場得五、六倍的信心票支持嘅實力馬甚少，但剛周日頭場，他卻以一匹九十九倍馬「醒目再臨」爆巨冷取勝顯身價，並取得客串期內嘅第六場頭馬。儘管爆大冷門，但這位日本馬主一樣有到場支持愛駒，並且跟劉業強夫婦一起拉頭馬，蘇偉賢拍拍沈拿嘅膊頭以示鼓勵，或者這些頭馬就係沈拿日後在港企穩陣腳嘅基石。實力馬今時今日莫講沈拿難求，一般在港已有相當策騎日子嘅二線騎師也難找到，間中前列兩位大師傅停賽，這類二線騎師先至有機會接觸實力坐騎上陣。今次夜賽，沈拿再替何良嘅「駿協精英」披甲，隻馬上次就係由佢策騎喺谷草一哩獲得第三名，這匹團體馬只係轉入何良馬房後第三仗，經已重新有上名成績交出，除練馬師嘅戊狴~，騎師嘅努力亦係功不可抹，目前成熟進度漸入佳境，沈拿獲得呢個馬房支持，必定再替「駿協精英」發揮出最佳水準，贏番場頭馬交代。