logo 首頁 > 文匯報 > 馬經 > 正文

【專攻冷馬】八太子決心啟勝門

2018-03-21

第一場、第五班、二二○○米。「港林福星」拍賣馬跑姿論盡,兼且翻步慢,腳法痗]中長途,似足廄侶「小米周」;上年十一月初跑谷草二千二,前中段留居尾疊,直路以勁勢衝贏所有對手,取勝姿態有餘未盡,跑長途終於開竅,好似上季的「特獎」及今季的「智有心得」,跑四班亦夠贏;如今重返五班角逐反客為主,賽前試埋千七米谷閘得第五,料穩位望贏。

第四場、第四班、一二○○米。「八太子」來港前在南澳洲受訓過一段頗長時間,所以跑慣窄場及短直路,難怪來港後練者集中替牠報跑谷草,插班後已經跑過七仗,的而且確,牠跑谷草的表現好過田草,當中十二月份跑谷草千二米短途得第二,只輸給翌仗升班再捷的「再石磨藍」,而殿軍「精算八方」及跑第八名「喝采」之後亦已贏馬,可見其實力足以企穩四班,埋門操足狀態再進一步,只要陣上留放得宜,有力打開勝利之門。

第五場、第三班、一二○○米。「越感」六歲馬雖然體重高達千二磅,但負重磅上陣的成績卻是強差人意,翻查過往壑@三○磅或以上出賽成績,發現原來只得兩次季軍,相反,壑@二九磅或以下跑谷草同程卻獲得四冠兩亞兩季,上名率高達六十巴仙。此駒目前評七十三分,比季初上名時已低七分,今仗負磅減至一二六磅有助進取,多放頭馬料有快步速利追形勢,可再展威力。

讀文匯報PDF版面

新聞排行
圖集
視頻