【資料速遞】龍串鳳四班難久留

2018-03-23

麥菲文今季新血「龍串鳳」，上場得到莫雷拉垂青，果然一出田草直路賽即旗開得勝，父系Charge Forward子嗣中今季有「大武士」亦係一出即勝直路賽，但更重要的是，「龍串鳳」同母兄長乃早前退役的本地一級賽冠軍「詠彩繽紛」，故這匹由著名阿羅非爾德育馬場培育的新血，周歲時身價達十七萬澳元，澳洲悉尼時係由摩加利訓練，曾試三課大閘，第一課慢閘跟跑包尾，小休五個月再試兩課均獲勝，抵港後試大閘入直路擺正後懂轉腳加速，進度合乎預期，上次起步雖慢，但跑順後加速力強，贏來姿態有餘未盡，今次連捷呼聲高唱。