■「長毛」被寸只不過想繼續食人血饅頭，沒有饅頭哪會蒲頭喎！ fb圖片社民連等反對派政黨試圖在浸大推傀儡莊，結果奸有奸輸，當然老羞成怒啦！「長毛」梁國雄就走去踢爆佢嘅「神駒」仇思達fb專頁留言挑機，寸「神駒」呢班「港獨」分子「自己無能冧莊」仲咁多嘢講，又話自己有去聽「本土民主前線」發言人梁天琦嘅審訊，暗示呢班友得把口，結果當然引來連番恥笑，話佢只不過想繼續食人血饅頭，沒有饅頭哪會蒲頭喎！
話說浸大學生會候選內閣「漣翊」唔少係社民連、職工盟及街工成員，但就喺同學追問下先承認自己有政治聯繫，被批評涉嫌隱瞞，更引起政黨滲透的非議。
「神駒」爆齋Sir催票
「神駒」更出帖踢爆同社民連關係友好嘅浸大宗教及哲學系高級講師陳士齊（齋Sir），竟然濫用學生電郵催佢哋投社民連傀儡莊一票。
最後，「漣翊」輸咗，但就死唔忿氣要搞覆核。作為佢哋大佬，「長毛」當然亦頂唔住道氣，竟喺「神駒」fb小學雞咁留言鬧交。
佢頭一句就令人摸不着頭腦，話：「奪了權，打飛機，唔冧莊，講條毛。」「神駒」即時還拖：「收山啦饅頭雄，世界是你們的，也是我們的，但是歸根結底是我們的，因為你將要逝去。」
「Pete Luk」就一語道破：「要饅頭雄出黎（嚟）駁火，更加證明到支落選莊同社氓（民）連嘅關係千絲萬縷。」
「Willy Chan」也道：「長毛賊冇嘢撈，仲要×到條??狗公陳學生會造皇（王）都做唔到，唔好叫折（哲）古華拉啦，叫折墮華拉啦呀哥！」
周竪峰抽水揶揄
難得「饅頭雄」主動撩交打，大家當然玩返夠本。中大前學生會會長周竪峰就抽水揶揄：「雄哥！好耐冇見！我上次畀你班黨員打完之後都有簽你個公民提名嫁！點知你班黨員都繼續當我狗咁打，好傷心！」「長毛」就一句：「坐監冇份，被捕欠奉，收喇！」
「長毛」繼續寸啲人得把口：「現身先喇，我去聽（梁）天琦審，都未見過你哋，下次見到，打個招呼??饅頭一族！」
「Kwokchun Cheng」就還拖：「你話天琦食人血饅頭喎，而（𠵱）家補選近了就走去扮關心天琦呀？收皮啦，呀哥！」
「Terry Tse」就揶揄：「饅頭雄！補選近了，快落街拉票，不要在facebook打飛機！唔係就好似姚松炎咁輸咗就×了！」
「長毛」就寸嘴道：「出嚟淘汰佢哋！咪喺度打飛機。......開個記（者）招待會，全體面對市民，唔好帶（戴）口罩，撐獄中義士，好嗎？做唔到，縮頭龜；打飛機，食饅頭。」
「Kwokchun Cheng」還拖道：「開咩記招？我哋又唔係政棍要選舉。」
「Terry Tse」就話：「饅頭雄！幾時開記招要求泛民的抗爭支援基金支援埋旺角義士？」「長毛」就寸返佢哋：「扔磚無膽，競選無膽，現身無膽，三無人士。」
雖然俗語話「相嗌唔好口」，但得閒睇吓反對派之間互咬，又真係幾送得花生落。 ■香港文匯報記者 陳川