【資料速遞】薈力之城重溫好夢

2018-04-13

踏入四月中跑咗六十一個賽馬日之後，又到咗新馬賽開始出現嘅時候。星期日沙田馬場舉行十一場賽事，其中一場新馬賽吸引咗七駒報名參賽，其中就以大摩同埋羅富全最為踴躍，分別派出三駒和兩駒出戰，期望可以喺今季首場新馬賽打響頭炮。上季大摩就係憑「妙力之城」贏得第一場新馬賽。今季練馬師同埋馬主似乎食過翻尋味，再有同主嘅「薈力之城」出爭季內首場新馬賽，希望重溫好夢。另外，大摩尚有李嘉欣同老公許晉亨的愛駒「七寶」以及「勁力歡騰」同場出擊，且看近期馬房表現復甦嘅大摩，今年嘅新馬賽能否再飲頭啖湯啦。