香港文匯報訊（記者 梁靜儀）許志安（安仔）昨日為梁漢文及林敏驄主持的ViuTV遊戲節目《Good Night Show全民星戰》進行錄影，安仔笑言已忘記多久沒參與遊戲節目，原本今次也不想來，但因自己鍾意足球，而今年又是世界盃，加上聽聞有獎金所以立即飛撲過來。
安仔表示打算飛到俄羅斯睇世界盃總決賽，但未知能否買到飛。他記得對上一次出埠睇足球，是跟Big Four去倫敦做騷，他和梁漢文及雷頌德想睇車路士主場賽，便走去球場外碰運氣，看看會否有人讓出球飛，豈料真的有人因有工作看不到，以原價讓飛給他們，但對方事前就問清楚他們是否捧車路士。問到安仔睇球賽時，可有遇過狂迷？安仔說：「冇遇過，但千祈唔好着錯衫同坐錯位，check清楚邊一邊先，否則到時入咗波都唔敢嗌。」
老婆鄭秀文又會否一起去睇世界盃？安仔表示未知Sammi可有興趣。問到Sammi是否識睇球賽？安仔笑說：「佢識，佢見到個球員又瘦又弗，就會問係唔係好勁㗎？」安仔表示捧阿根廷，因有偶像美斯，聽聞他今次是最後一次踢國家隊，希望一睹他球場上的風采。