■溫碧霞到上海視察花店業務。香港文匯報訊 溫碧霞（Irene）今年大展拳腳殺入商界，一口氣開展紅酒及花店生意，早前她飛到南澳洲巡視酒莊後，前日再飛到上海為其有份投資的花店新店進行開張儀式，並順道視察一下花店業務及與股東們開會。
Irene開心表示其投資的花店，投資時在內地只有12間，在短短半年內，已擴充到20間，問她會否計劃在香港開店？Irene說：「香港一定會開呀，現在已經睇緊店舖，有兩個心水地方，會先揀其中一個地方開第一間店，唔想喺香港一開就開兩間咁多，希望慢慢嚟唔好急，做得一定要好及要有口碑。」
她再表示真是好開心，好知足，她的夢想陸續一一成真：「以前好想開花店同有自己品牌嘅紅酒，估唔到喺今年一次過實現晒。」而她開花店，除了一直喜歡花，家裡每天都會擺放一大束靚靚鮮花美化屋企之外，她並鼓勵女士們向自己夢想進發，放膽去實現自己夢想，她說：「好多女仔結咗婚後就不再工作，依賴着丈夫，但我覺得女士們就算結咗婚，不要因為家庭而放棄自己夢想及工作，家庭與夢想絕對可以同時兼顧，最贊成女仔開花店，對住靚嘅花人又開心，又可創一番事業。」