■郭偉亮(右)透露曾忽略身邊人和事。香港文匯報訊 著名音樂人郭偉亮（Eric）近日亮相奇妙電視全新節目《是敢的》，與觀眾分享他如何走出困局， 創作出一段又一段動人旋律。
曾創作過不少大熱歌曲的Eric，生於富裕家庭，但小時候無心向學，為隱瞞成績，經常偽冒母親簽名：「我講好多大話，所有唔正當嘅嘢都做晒。媽媽好嚴、體罰好勁，但佢愈打我就愈變本加厲。」好景不常，Eric的父親因惹上賭債，一家移民美國， 從零開始。回到香港後，他一心希望於音樂界及演藝界發展， 他笑言：「我當時都有申請加入藝員訓練班，但無收到回音。好彩我唔係女仔，否則我肯定去選美。」
逢場作戲令感情重創
2004年，Eric曾經沉迷網上遊戲，忽略了身邊的人和事，影響生活：「我通常一年作廿幾三十隻歌，但有一年只係作咗七隻。」 最後他更足足花了兩年時間才完全戒掉「機癮」。
而他與太太葉佩雯一見鍾情，拍拖至今將近18年，令旁人羨慕。但他坦言兩人結婚前，曾經因為一次逢場作戲，令兩人陷入崩潰狀態：「 我一次過將儲嚟嘅天真無邪、信任破壞，得嚟嘅係報應。之後佢開始報復，仲同對方擦出真感情。」幸好，最後二人選擇重新開始， 牽手走出困局。近年，Eric向戲劇發展，於多部戲劇中客串演出， 他提到最近被導演稱讚，喜極而泣：「好耐無喊、開心到喊！ 終於被認同係演員！」