第三場「精算齊同」同父馬有「紅運爵士」及「紅褲兵」，來港季初九月開操，操足大半年先上陣，母線出過不少沙泥地好手，博泥地性能特佳，初出千二米已有冷門機會。「勇冠多」評分已返回贏馬時水平，今次出動雷神唔係講玩，憑本身較佳泥地性能足可講惡。
第四場「估惑」三月初跑此程即以四乘之遙大勝「皇者勝利」，後者再出兩仗添一冠一亞，上回縮程泥地千二米跑第二極之出色，今回師勝途已集正面條件於一身。「包裝騎士」是八捷良駒，暫時似超額完成，但馬少場合放頭有利，如賠率與群駒有太大分野，博冷位倒未嘗不可。
第五場「威武再現」今次強配潘頓跑，上周五試泥地大閘走勢似模似樣，重要係呢場對手普通得好交關，以本身四歲仲會有進步，今次可恰對手弱贏番一場。「霸氣」今季食回頭草返容天鵬已兩勝同程，上場落第都跑第五，復課試好大閘再來，唔似求減分格，提防回氣再上。
第六場「陽明豐豐」宜秤先多少，這匹今季自購新馬跑過四場一千及千二米，欠前速欠後勁但又輸得不算遠，同父馬「連利進寶」、「相中有你」都於泥地中程勝出，今「陽明豐豐」初跑一哩，說不定有不同估計，冷門博得過。「君悅灣」均速可靠，按理未必等降班，鄭俊偉尚未夠數畢業必盡砌。
第七場「旅遊首席」上季中七十八分用蔣嘉琦減磅排十四檔贏此程，自此輸足十多場，季中力拚「金剛之星」僅敗，上仗千八米一度有機突圍卻慢車，現時仍是以一哩較合，可跟多一次。「勢必跑」評分開始回順，方嘉柏保養老馬有一手，七歲歐洲馬未算太殘，仍有再贏機會。
第八場「精英寶貝」跑泥地全入三甲例不虛發，今次回配贏馬拍檔潘頓排埋一檔起步有利，同場既無「上簽」之類強手，可期補中。「巴基小子」剛有同主馬「巴基之星」新勝一級賽，此駒今次起用黃俊減十磅輕飄飄，提防搗亂大局。