警方終於就峯搶手機事件採取行動，許智峯的支持者如喪考妣，無視證據俱在，紛紛抹黑警方，話警方「為『白色恐怖』出頭」、「砌生豬肉」，仲繼續侮辱被搶手機的女行政主任係「特務」，應該受到公審云云。唔少理智嘅網民搖頭嘆息，話反對派盲粉早日口口聲聲話尊重法治，但為咗包庇就歪理盡出。
■香港文匯報記者 陳川
網民鬧爆
Chris Lobao Chan：最大問題唔係搶手機，係死蠢！
Ibery Wong：佢以為自己可以同長毛一樣玩法而乜事都無。就係咁嘅心態，垃圾會越來越亂。
Thomas Tam：其實香港人口咁多，有人犯法不算恐怖，仍然有人認為因為同自己政見相同嘅，犯法就冇問題，呢樣先恐怖。
黃黃：做錯就要認，政府無叫佢搶人手機，政客低智就是因有盲目支持者出現，無法進步。
Stephen Wong：《蘋果》及「泛民」信徒一時話要法治精神一視同仁，但對自己人不利，就覺得唔需要法治，又搬一大堆臭蟲論出嚟，真係笑大人個口。
Lily Luk：等到而（𠵱）家，做父母嘅先可以同仔女講，搶嘢係唔啱嘅，非禮係唔啱嘅，偷睇別人手機係唔啱嘅。
峯粉盲撐
Cf Siu：借人手機睇下（吓）要拘捕？
Shuk Yin Yinnie Chan：許智峰（峯）道乜×歉啫，個八婆侵犯私隱喎，而（𠵱）家仲要拉要鎖，冇天理！
Lau Christine：許議員你要追究那EO違反私隱權侵犯你私隱的事！
Carson James：EO偷拍議員行動有如特務應該公審才對，如果冇搶手機怎會發現手機裡的內幕，那議員價（值）得一讚。
Wing Lung Tam：警察部屯門區指揮官肯做黨棍，為白色恐怖出頭，爭做香港公安急先鋒。
WK Tse：真幾離譜又恐怖，隨時可以砌人生豬肉都可以。
Suky Yan：呢個正苦（政府）真係痴（黐）左（咗）線，用納稅人的錢請人去干擾立法會在先，仲公器私用去拉人？
Kit Wong：擺明玩×你！目的係陰乾「民主派」！
資料來源：fb留言區 整理：香港文匯報記者 陳川