反對派一直寬己嚴人，峯搶手機一事正是照妖鏡。公民黨黨魁楊岳橋（戇橋），日前喺立法會內務委員會討論譴責許智峯動議時，話希望建制派議員「得饒人處且饒人」喎。唔少網民狠批，話呢句說話喺反對派口中講出嚟，真係難聽過粗口。
「Lulu Ray Mak」直言，「今次如果係警察攞�哋手機，唔知仲會唔會得饒人處且饒人呢？」「Mable Lo」回應道：「如果係警察，佢哋咪會話侵犯私隱及黑警囉。」
批寬己嚴人齋幫自己友
「Melinda Tong」亦質疑：「如果係建制派搶人手機，犯（泛）民仲唔追殺到底，人頭落地咩！」「Ricky Chan」附和：「肯定連袓宗山墳都畀（俾）人掘出黎（嚟）......」「Bobby Kh Lam」就質疑：「如果個EO（行政主任）係你老婆，你又怎樣辦？搶劫都當冇事發生，可原諒？咁樣周街搶劫都是可原諒！」
「So Kam Kam」批：「聽到『得饒人處且饒人』由販（泛）民口中講出，真係比粗口更加難聽呀！』「Ellen Ng」也道：「出自楊議員把口？除左（咗）自己人、佢饒過邊個？」「Anthony Yeung」就批評：「非禮、搶嘢警察都唔落案，仲想叫人得饒人處且饒人？」
有網民就不滿反對派口就講法，實際就打橫行。「CoCo Mammy」批評：「教壞小朋友/寬己嚴人。你以為民煮（主）黨無王管/無法無天？」「Alice Lui」揶揄道：「立法會議員係免責㗎，做乜都得，掟杯又得，搶文件又得，『泛民』議員做乜都得，睇咗咁耐立法會直播仲唔知？」
借「案底更精彩」揶揄
「Ronald Cheng」就回帶返楊岳橋之前話，因暴力衝擊立法會大樓而被法院判囚的示威者「都因為案底而令人生變得更精彩」，寸道：「饒過等於對其他殘忍，呢個道理明唔明白。不過，既然你話坐監（係）精彩人生，咁就送佢（許智峯）一程上路啦，唔係佢點精彩到人生？又可以視察監獄，仲可以寫書，幾精彩呢！」
■香港文匯報記者 陳川