■長毛（右後）當日拎住紙牌，企喺游蕙禎身後攝鏡。 fb圖片咩叫站着如嘍囉呢？社民連長毛（梁國雄）近日就「完美演繹」嘞！話說日前法庭審「青症雙邪」單衝擊立法會會議廳案，旁聽過就當付出咗嘅長毛，當日就再付出多少少，拎住張紙企喺游蕙禎（Cheap禎）身後舉口號攝鏡，唔少人都揶揄鏡頭一角、面目模糊嘅長毛「??家已經淪為事旦男之流要舉牌博出鏡，真可憐」。
話晒都做咗十幾年立法會議員，長毛自從被法庭裁定喪失議員資格之後，竟然得閒到走去同網民鬧交，仲貼網民張頭像喺自己facebook嘗試公審普通網民，已經震驚唔少港人，仲俾人話佢小家、折墮，估唔到佢近日竟然再突破底線，走去做二打六兼攝石人。
Cheap禎受訪 舉牌攝鏡
話說當日法庭裁定「雙邪」衝立法會有罪後，游蕙禎接受訪問嘅時候，長毛竟然拎住張寫住「DQ議員邪惡 政治檢控可恥」、存在感同佢一樣咁薄弱嘅紙，企咗喺游蕙禎後方攝鏡。不過，由於景心喺游蕙禎度，長毛喺後面面目模糊咁，真係少啲眼力都唔發現佢喺度。
之但係，長毛??家成日搞網民，網民都當然格外關心佢，「JoJo Wu」就貼咗張相出嚟話︰「堂堂四（三）屆立法會議員，梁國雄而（??）家已經淪為事旦男之流要舉牌博出鏡，真可憐。」
「Sammie Chung」慨嘆︰「肉×酸到呢！」「Sandy Soon」 表示︰「沒有最核突，只有更核突。」「Andy Ng」就形容佢係「黎汶洛二世」，因為呢位「中箭（香港眾志）」黎汶洛都係以做攝石人出名。
反對派評論員王岸然（黃覺岸）亦話︰「大丈夫有所不為，雄仔含×都無所謂，何况（況）舉牌。」「Yuen Siu Mo」揶揄︰「沒有鏡頭，哪會蒲頭？」
「Kenny Bok」就關注呢種做爛市行為︰「慘，咁吳文遠仲可以做啲乜？」「Pak NG」就模仿長毛之前同網民鬧交嘅語氣話︰「你哋有冇去聽審？有冇去劫獄？講嘢呀！收皮啦！」■香港文匯報記者 甘瑜