■劉穎鏇將21歲生日，湯洛雯及胡鴻鈞等推出蛋糕為她預祝生辰。香港文匯報訊（記者 梁靜儀）劉穎鏇（Tiffany）、湯洛雯及胡鴻鈞等，昨日為《學是學非》進行錄影，適逢本周四是Tiffany的廿一歲生日，一班是非精推出蛋糕為她預祝生辰，胡鴻鈞就負責獻花，但未有吻賀壽星女。Tiffany表示生日願望是有多些工作機會，越來越好，問到可想找個男友？她表示順其自然：「慢慢揀吓先，（擇偶條件？）要高過我，對我好、錫我，（揀圈內人？）冇所謂，性格啱都ok。」
湯洛雯笑指好多朋友想認識Tiffany，笑言自己都在物色中，但不會刻意搞聚會給對方介紹異性朋友。
剛由馬爾代夫旅行回港的湯洛雯 ，近日與妹妹湯樂瑤瘋狂上載性感泳衣照到社交網，她否認是瘋狂，解釋因與妹妹同房，互相幫對方影了很多單人相，其他人就話她們鬥甫相對，其實不是，是因為她們很少合照。說到有男士指她的泳衣相噴血？湯洛雯笑說：「我上載嗰啲泳衣相唔係咁過分，泳衣仲要係平頭嗰啲，去馬爾代夫冇理由唔着泳衣，妹妹啲身材，現場睇仲噴血，不過最噴血當然係阿媽，不過我遺傳唔到 ，(三母女着泳衣影輯相？) 唔好搞Auntie了，拎佢啲舊相出來夠撼。」
胡鴻鈞表示聽到Tiffany說自己廿一歲就嬲，因自己已三十歲，感覺好老了，好唔開心。他透露會在節目中擔任遊戲隊長，同是非精拉車。他大嘆一班是非精好嘈：「特別係馮盈盈，隔條走廊都聽到佢把聲，佢把聲好有穿透力，好Amazing，如果我有佢把聲的穿透力就好，（會否想摑她？）冇咁必要，佢啲姊妹都頂佢唔順，之前同佢鬥嗌咗一下就輸咗。」