無嘅，賣「後生」兩個字就似乎咩都得咁。「香港眾志」近日趁6月賣T恤cap水，仲喺fb以「全女版」着上件核突衫做宣傳，當係吸吓宅男。不過，有人就發覺「眾志」嘅囡囡相，成個概念同作曲家陳輝陽嘅「女聲合唱」組合宣傳品非常類同，質疑佢哋抄襲。有人更質疑「眾志」只搵囡囡影宣傳相，係「物化女姓」，非常可恥咁話！
「眾志」成立之時，已被人揭發其黨徽疑似抄襲西班牙巴塞隆拿「Barcelona Gallery Weekend」展覽嘅宣傳品，之後都陸陸續續有疑似抄襲嘅事發生，成個「神抄黨」咁。趁呢排6月，「眾志」借勢售賣T恤想搵返多少使費，搵晒周庭同其他「眾志」女成員影相喺fb宣傳。
網民彈似女囚 「物化女性」
唔少人覺得啲相用埋嘅顏色其實都幾核突吓。「Hoi Fung So」恥笑：「拍女子監獄嗎？」「Chung Wong」就搭嗲：「扮女囚犯騙財......」
有網民更發現「眾志」嗰幾張囡囡相，雖然顏色真係好核突，但成個概念就同陳輝陽嘅女團嘅宣傳照非常相似。「熱狗」中嘅「蕭傑」就喺伭b上載咗「眾志」嗰幾張相，拍埋去陳輝陽「女聲合唱」嘅照片度，仲發文揶揄，「眾志」係向對方「致敬」咁話。
有圖有真相，「Stella Li Kapo」留言話：「Concept is the same！」「李路仁」就回帶話：「是但啦『中箭』由logo開始已經係抄返黎（嚟）！」「Chung Chiu」就揶揄：「做政治宣傳（定賣衫廣告）都要搵野（嘢）抄下（吓）先安心。」
「KY Lai」一語中的：「果然係香港90後的新世代學生，只識抄功課，但係就連抄都唔識抄。」「Fran Chau」則慨嘆呢班人永不認錯：「我覺得就算人贓並獲，佢哋都會死雞撐飯蓋。」
「Seven Chuk」就道：「完全唔講政治立場，設計抄襲，今次仲要抄本土，真係核突到×街。」佢仲話，「支持『香港眾志』，基本上等於支持抄襲設計，但係我有Ｄ（啲）設計師行家好支持『眾志』仔喎。」「Ka Hei Edmund Wong」估計：「可能鍾意人地（哋）文青掛（啩）？」「Ricky Chan」即刻話：「即係鐘（鍾）意抄襲。」
被譏「女性身體社運用途」
除咗質疑「眾志」抄襲，「蕭傑」仲上載咗「眾志」最近宣傳其新領導層時，相中就青一色男人，但宣傳賣T恤時，就清一色係女人，似乎唔係好「政治正確」噃：「轉型，男人做領導，女人賣tee shirt。」「Phoebee Wong」就質疑：「淨係識推d（啲）女出來賣嘢，物化女性呀！」「輔仁媒體」總編輯容樂其亦寸一句：「女性身體的社運用途。」
■香港文匯報記者 陳川