所謂真人不露相。工聯會「小花」、深水埗麗閣區議員陳穎欣，原來係跆拳高手？「三一傳統跆拳道館」今日喺fb上載咗一位靚女飛身踢木板嘅相，乜咁熟口面？原來就係陳穎欣。帖文話：「感謝陳穎欣議員師姐同我們一齊玩，一齊練武，一齊做運動，一起練武，跆拳一生。」
工聯會立法會議員何啟明都分享咗該帖，仲讚話：「堅打得！一陣腳風撲面而來！」工聯會另一立法會議員陸頌雄、民建聯秘書長陳學鋒都按讚。
原來，陳穎欣此前亦同該拳館合作過，搞跆拳道班，並邀請師傅喺區內嘅「歡欣社區雙親節嘉年華」上表演。
據該跆拳道館介紹，佢哋將Tabata Training訓練融入傳統跆拳道內，目標在短時間內達到體能提升，以達至強身健體及均衡發展，仲同香港輪椅武術總會等合作，促進傷健共融 。
所謂「TABATA間歇訓練（Tabata Training）」，是1996年由日本科學家田畑泉為提升競速滑冰代表隊運動員的實力而研發出的運動方式，是結合了「有氧」與「肌力」的全身運動，其主要概念為「（高強度）運動20秒，休息10秒，持續8個循環，共4分鐘」，能提升身體有氧、無氧的心肺能力。
■香港文匯報記者 陳川