■「泛民可恥行為事件簿」fb專頁製惡搞圖揶揄「天下為公 洗錢輕鬆」。 「泛民可恥行為事件簿」fb圖片民主黨搞所謂「天下為公」眾籌，前日披露在他們已動用的47.5萬元中，單是用於行政費、轉賬費和公關宣傳費用等已近20多萬元，被網民質疑食水深。有人更揶揄：「天下為公，洗錢輕鬆！」
根據「天下為公」記者會上公佈，在眾籌所得的逾200萬港元中，他們動用了47.5萬元，其中佔最多的開支竟然不是用作聘請律師，而是用在公關意見和短片，花了13.5萬元，而行政費用了10.4萬元，電子轉賬用了8.4萬元，還有400多元車馬費。
「畀錢你仲要收10萬行政費」
「泛民可恥行為事件簿」fb專頁昨日就上載了一張惡搞圖，質疑「天下為公 洗錢輕鬆」。網民「Prescott Chan」質疑：「電子轉帳費8.4萬？轉去邊要咁多『手續費』？......『眾籌行政費』先最離譜，俾（畀）錢你仲要收行政費？」
「Chan Jason」也道：「收200萬（元），玩電子轉帳比（畀）8萬（元）？除番200/8=4%？Paypal應該冇收咁貴。」
「Stephen Wong」質疑：「已經用左（咗）13萬（元），乜民主黨唔係好多義工？義工當中無人識拍片剪片set頭化妝？我都好想知搵左（咗）邊間 video production公司。而（??）家YouTube上咁多KOL，我諗無一個 KOL拍幾條片要用十幾萬（元）。」
「Fong Kwun Shing」也質疑：「只要每次公關意見費，都唔少過十五萬（元），好快可以再籌。但千萬唔好問，法律行動點解會問公關......問關公都仲可以理解。」
「Singlam Kwai」則揶揄：「鬼咩？啲老襯錢唔使，都對唔住自己啦！啲冤枉錢呢（嚟）㗎嘛，我哋一講為民請命，雖（需）要銀両用，啲錢就會繼續嚟！哈！哈！香港勝在大把呢啲蠢人。」「Li Pik Kwan」也道：「都好克制了，唔係一早就駛（使）晒兩百幾萬（元），要再集資啦。」
搵自己友睇數圖挽「公信力」
可能見俾人鬧得犀利，「天下為公」喺吽u官方」網頁發帖，話「所有支出均須經管委會同意，管委會亦已設下機制，規定所有超過20,000元的開支均必須先經管委會同意，才能支付相關項目的開支」，仲特別話民主黨「大佬」何俊仁已答應「義務」為佢哋提供法律意見云云。
咦，佢哋公佈嘅數全部都少過兩萬元喎，即係冇經過審批啦，而管委會成員就全部都係自己人，包括民主黨副主席羅健熙、公民黨主席梁家傑、「泛民會議」召集人莫乃光等，「公信力」有幾高，真係用腳趾去諗都知。
■香港文匯報記者 陳川