■吳國敬香港文匯報訊 吳國敬日前為宣傳本月下旬舉行的「敬搖滾樂團」演唱會，接受ViuTV專訪。吳國敬表示音樂會將以搖滾元素為主，重拾昔日搖滾夢：「其實我都好多年冇玩過Rock嘢，所以今次同隊Band夾歌嗰時都玩得好過癮。雖然6月至7月期間係我哋綵排期，偏偏遇上世界盃，難免都要遷就下夾Band時間，決賽我仲會飛埋去俄羅斯度睇波，返嚟先再綵排。」
吳國敬圈中人緣甚佳，但他就耍手擰頭拒老友做嘉賓：「又唔係好大件事，唔好搞到人啦，佢哋嚟睇已經係最大鼓勵！今次個騷可能會唱新歌，雖然唔係為演唱會而作，但如果製作上趕得切，都可能現場唱Live畀大家聽。」
吳國敬就話為演唱會努力健身，希望將最Fit一面帶給樂迷：「因為一切都來得好急，我哋原本計劃係十月在另一場地做演唱會，點知同事突然打畀我話7月有期，突然將計劃推前晒，包括揀歌、造衫、夾band、健身等。但係都開心嘅，唔試過唔知自己潛能咁勁，咁短時間內做晒所有嘢。」