■梁漢文獲程瑤之邀擔任捐血大使。香港文匯報訊 慈善團體「仁美清叙」日前聯同冬日陽光慈善基金會舉行捐血活動，更邀請了梁漢文擔任捐血大使。「仁美清叙」主席程瑤除率領一班成員陳綺明、黃景珍、黎嘉韻、吳夢婷及何淑敏等外，其老公公司的員工也來響應，梁漢文的歌迷亦有身體力行支持，相當有心。
對於獲邀擔任捐血大使，梁漢文直言相當榮幸︰「 今次Donna（程瑤）邀請我做捐血大使，我即刻應承，希望可以有更多人關注，幫助更多人，自己對上一次捐血係大約一年前， 所以今次有機會都想再來支持一下。」他亦感謝一班歌迷晨早便來到捐血站︰「我會叫多啲朋友去捐血， 朋友同歌迷都會，好開心今日有歌迷嚟支持咁有意義嘅事。畢竟我已入行一段時間，有啲小歌迷已經長大晒，有啲仲有埋小朋友，佢哋都嚟捐血。」
程瑤坦言今次活動參加的人數比預期好， 不過她發覺好多男仔都驚抽血，她更大爆老公是第一次捐血，他初時都有點害怕。梁漢文聞言後表示︰「我反而唔驚呀，自己每年都有body check，會去抽血，護士會問我驚唔驚，我就唔驚，我知道有啲人會唔敢望，但我就會望住隻手，睇住護士幫我抽血。」他還講笑稱︰「睇住抽血，第一反應係問點解抽咁多血嘅？不過呢啲都係同護士講笑，其實捐血真係唔使驚，唔痛嘅，又可以幫到人，好有意義。」